Museo bat baino askoz ere gehiago da Oiasso: kulturarako gunea eta denboran iragan klasikoraino bidaiatzeko atea. Jende guztiarentzat eta profil guztientzat diseinatu dira museoak programaturiko jarduerak. Batzuk, kontzertuak edo berriketaldiak, ateen barrualdean egiten dira; beste batzuek plaza ere hartzen dute, beste leku batzuetara ateratzen dira eta urruneko lurretara bidaian joan ere egiten dira. Gure proposamenak hurbiletik jarraitzeko, online agenda begiratu besterik ez duzu egin behar, edo bestela gure newsletter-ean harpidetu.

Antzinako Erromaren erakargarrietako bat da oso gustuko dutela helduek nahiz etxeko gazteenek. Horrexegatik, aukera ezin hobea da museoa familian ikustea. Horretarako, hainbat aukera daude: Herkules heroiak gidatzen utzi bildumaren enigmak argitzeko, nahiz Arkeolab tailerrean arkeologo bilakatu, bai eta urtebetetzea erromatar eran osatu ere.

Museoko hezkuntza programaren helburu nagusia da Oiasso hiri erromatarra Irunekin identifikatzea, indigenen eta erromatarren bizimodua ezagutuz, lekuko hondakin arkeologiko garrantzitsuenak aztertuta.

Bisita gidatuak erakusketa iraunkorrera, behin-behineko erakusketetara, Xantalen ermitara eta Irugurutzetako meatze ingurura bereiz edo hainbat formatutan konbinatuta egin daitezke.

2024-2025eko Hezkuntza Programa deskargatu

FICAB HEZKUNTZA SAILA

XXIV. FICAB Bidasoko Nazioarteko Zinemaldi Arkeologikoa 2024/11/11– 2024/11/16

Ficabeko Hezkuntza saioak ikastetxeei bereziki zuzenduta, bere helburu kurrikularrei lotuta eta alde didaktikoak zaintzen dituzten emanaldiak eskaintzen ditu.

NORENTZAT: Bigarren Hezkuntzari eta Batxilergoko ikasleentzako

Doako sarrera. Eserleku mugatuak.

Erreserba egitea beharrezkoa da. 943 63 93 53

ARK MO egitasmoa:

ikastetxeek beraien ikasleekin inguruan duten ondareari buruz sortutako film laburrak (5 minutu) aurkeztu dezakete zinemaldian, urriaren 15 a arte.

FICAB IBILTARIA Hezkuntza Saila.

2020. urtean FICABek hogei urte bete zituen egoera berezi batean. Interesa duten ikasle askorengana iristea lortu genuen FICAB jaialdia ONLINE formatuan eskainiz.

Ikasturte osoan zehar film hautaketa bat zuen eskura ipini dugu ikastetxeetan ikusi ahal izateko. FICABeko Hezkuntza Sekzioko film irabazleak eta unitate didaktikoak dituzten filmak ikastetxeei eskaintzea oso aukera interesgarria dela uste dugu. Egitasmoak arkeologia eta historia modu erraz eta hezigarrian gerturatzea dauka helburu.

Deskargatu FICAB IBILTARIA Programa