Bainua eta garbitasuna

2025/03/31 - 2025/09/01

Oiasso Museoak eta Gordailuak, Gordailua Oiasson proiektuarekin, leiho bat ireki nahi dute gizartearengan gure kultura-ondarea sustatzeko eta ondare hau kontserbatzeak duen garrantziari buruzko kontzientzia pizteko.Hemen ikusgai dauden objektuak Gordailuan gordetzen dira, eta Oiasso Museoaren bitartez kultur ondare kolektibo hori partekatzea dugu helburu.

Gordailua Oiasson ekimena Irungo Udalaren eta Gipuzkoako Foru Aldundiaren arteko lankidetzaren emaitza da, eta, haren bidez,Oiasso Museoak Gordailua Gipuzkoako Ondare Bildumen Zentroko pieza etnografikoak erakusten ditu, gune espezifiko batean. 2019an hasitako lankidetza honek 2025an jarraituko du bainua eta gabbitasunarekin lotutako piezen bilduma batekin.

Antzinako zibilizazio guztien artean, erromatarrek izan zuten bainu eta norberaren garbitasunarekiko pasiorik handiena. Oiasso museoko bitrinetan hainbat pieza arkeologiko ikus daitezke, garbiketa eta gorputzaren zaintzarako erabiltzen ziren tresnak, Oiassoko terma erromatarretan eta Irungo beste aztarnategietan aurkitu direnak: matxardak, orraziak, ile-orratzak, ukenduak gordetzeko botilak, koilarak,…

Baina erromatar munduan bainua ez zen higiene kontua soilik. Terma publikoek masaje eta depilazio gelak zituzten, ariketa egiteko guneak, arte lanak erakusteko espazioak, eguzkia hartzeko lekua edo baita jan eta edateko tokiak ere zituzten. Terma publikoak erromatar munduko bizitza sozialaren eta aisialdiaren oinarrizko erakundea ziren.

Antzinako Erroman ez bezala, gure kulturan bainua esperientzia pribatua da, etxean zaintzen dugu itxura. Ongizatea edo masajea, estetika, ile-apandegi eta horrelakoak, beste establezimendu espezializatuetan egin ohi dira. Honela bada, horietako zenbait toki, gure eguneroko bizitzaren hainbat istorioen testigu izan da, esate baterako Irungo Peluqueria César historikoa.

Doako sarrera

2024/12/05 - 2025/03/30

ERAKUSKETA: MARTETIK MARTERA

OIASSO MUSEOAREN ERAKUSKETA BERRIAK MITOLOGIA ETA ASTRONOMIA LOTZEN DITU MARTEREN BITARTEZ

De Marte a Marte - Martetik Martera aldi baterako erakusketak Marte jainko erromatarra planeta gorriarekin lotzen du, historian, mitologian eta astronomian zeharreko ibilbide batean. Erakusketa berria abenduaren 5ean hasiko da eta martxoaren 30era arte egongo da ikusgai.

Erakusketaren bidez, publikoak antzinako mitologiaren, aurkikuntza astronomikoen eta esplorazio modernoaren arteko harremanak ezagutuko ditu, Marte, gerraren jainko erromatarra, eta Marte, gure eguzki sistemaren planeta gorria. Gainera, astronomiarekin edo Marte jainkoarekin lotutako hainbat pieza ditu. Horien artean, nabarmentzekoa da Atenasko Partenoiko Panateneen frisoko 28 eta 30 bitarteko irudien jatorrizko hustuketa. Bilboko Berreginen Museoak maileguan utzitako pieza da, eta jatorrizkoa Britainiar Museoan dago.

Erakusketak San Telmo Museoaren, Bilboko Berreginen Museoaren, Gordailuaren eta Gipuzkoako Foru Aldundiaren laguntza du.

Publiko guztientzako erakusketa, batez ere familientzako.

Doako sarrera

Erakusketaren ORDUTEGIA:

2024/09/20 - 2024/12/01

"Burdina historian zehar"

Pirineotako burdinaren ibilbide europearraren museoak eta monumentuak ezagutuz 

ERAKUSKETA

Erakusketa ibiltari hau Oiasso Museoan ikusgai dago abenduaren 1era arte eta Pirinioetako Burdinaren Ibilbidea elkarteak 2023an egindako argazki lehiaketaren emaitza da.

Pirinioetako Burdinaren Ibilbideak Okzitania, Andorra, Katalunia eta Euskal Herriko hainbat leku zeharkatzen ditu, eta siderurgia-jarduerek utzitako industria-ondare aberatsa ikus dezakegu bertan. Ibilbidea Europako Kontseiluaren kultura-ibilbideen Europako Sarean sartu da.

2018an Irungo Udala "Pirinioetako Burdinaren Ibilbidea" elkartean sartu zenetik, Irugurutzetako meatze-ingurunea ibilbidearen parte da. Bertan, siderurgiarekin lotutako hainbat udalerrik parte hartzen dute, Foru Aldundiarekin batera, industria-ondarea babestu eta ezagutarazteko, mugaz gaindiko lankidetza sustatzeko eta kultura-turismoaren esparruko produktuak sortzeko. Bidasoa Activak eta Oiasso museoak Irugurutzetari balioa ematen eta hura sustatzen laguntzen dute. Bertan, Euskadiko minerala kiskaltzeko bateria garrantzitsuenetako bat eta antzinako galeria irekiak ditugu.

2023an, Ondarearen Europako Jardunaldietan, "Burdina historian zehar" lehen argazki-lehiaketa egin zen, sare horretako museo eta monumentuen ondare siderurgikoaren ezagutza sustatzeko. Ehundaka lagunek parte hartu zuten lehiaketan, eta orain, Andorran, Katalunian eta Frantzian arrakasta handia lortu ondoren, Irungo Oiasso Museora iritsiko den erakusketa honetan, argazki onenen aukeraketa bat ikus dezakegu.

Erakusketarako sarrera librea da.

Bisita gidatuak

Aurre erreserba beharrenzkoa da Irugurutzetako labeak eta meatzea bisditatzeko latunbatetan, 11:00etan.

Prezioa 5,75 €da helduentzat eta 4,00 €6 eta 14 urte bitarteko gazteentzat.

IrugurutzetakoSarrerak online erosten dira esteka honen bidez: http://oiassosarrerak.irun.org/

Bisitarako elkargunea Irugurutzetako meatzea dagoen natur ingurunea izango da, Irungurutzetako Interpretazio Zentruan.

Helduen eta ikasleen taldeek ere bisita gidatuak erreserbatzeko aukera dute museoaren irekiera-ordutegian.