Euskal Herriko Unibertsitateko XXXIV Uda Ikastaroak

2015eko Uztailak 9 eta 10. Oiasso Erromatar Museoa (Irun)

Irungo Oiasso Erromatar Museoak, Euskal Herriko Unibertsitatearekin batera, "Propaganda imperial: el poder de la imagen en Roma" izenburuko udako ikastaroa antolatzen du.

Egitaraua deskargatu

Irun Hiriko Udalarekin lankidetzan.

Ikastaroko zuzendaria:
Mercedes Urteaga Artigas. Oiasso Erromatar Museoa

Euskal Herriko Unibertsitatearen XXXIII Uda Ikastaroak

2014ko Uztailak 7-8-9. Oiasso Erromtar Museoa eta Gordailua (Irun)

Irungo Oiasso Erromatar Museoak, Euskal Herriko Unibertsitatearekin batera, "Augusto. Estatu pasioa" izenburuko udako ikastaroa antolatzen du.

Egitaraua deskargatu

Cayo Julio Cesar Augusto hil zela bi mila urte betetzen diren honetan –Augusto izenaz bakarrik ezagunagoa ohi dena, eta erromatar Inperioko lehenengo enperadorea izan zena (K. a. 27tik K. o. 14ra bitartean gobernatu zuen)– asmoa da garai horri buruzko ikerketa historiko eta arkeologikoko azkeneko berritasunak aurkeztea.

Augusto, pertsonaia historiko gisa, egokia izan da behin eta berriz denboran zehar, eta haren figura mito bihurtu da mendebaldeko kulturarako. Haren egintzak zein ikuspegitatik begiratzen diren, Inperioaren administrazioaren eta lurralde- eta instituzio-antolaketaren eraikitzailetzat ere hartzen da; eta erlijioaren, ekonomiaren eta kulturaren birsortzailetzat, eta, gainera, beste eredu askoren sortzailetzat eta baita egungo Europaren eraikuntzaren aurrendaritzat ere.

Ikastaro honetan, bere garaiko alderdi nagusiak landuko dira, eta gizon politikoa eta bere garaiko gizartea ezagutzeko aukera ematen diguten agermenak hartuko dira erreferentziatzat. Gure lurraldeari aplikatu dakiokeen irakurketa bat ere izango da, zeren Oiasson izan ziren lehenengo nabaritasun erromatarrak une horretakoak baitira eta, antza denez, euskal eremuan zeuden herrien lurralde-antolaketaren ildo gidariak Augustoren agintaldian diseinatu baitziren.

Irun Hiriko Udalarekin lankidetzan.

Ikastaroko zuzendariak:

• Mercedes Urteaga Artigas. Oiasso Erromatar Museoa
• Juan Santos Yanguas. Euskal Herriko Unibertsitatea

Euskal Herriko Unibertsitateko XXXII Uda Ikastaroak

2013ko Uztailaren 2 eta 3an

Irungo Oiasso Erromatar Museoak, Euskal Herriko Unibertsitatearekin batera, "Erromatarren meatzeak: arkeologia, alderdi juridikoak eta lurraldearen antolamenduari buruzkoak" izenburuko udako ikastaroa antolatzen du.

Ikastaroaren helburua da duela mende erdira arte ia ezkutuan egon den mundu erromatarraren adierazpide bat ezagutzera ematea. Mundu horren garrantziaren lekuko dira, alabaina, monumentuak, ingeniariatza obra handiak, eta prospekzio, erauzketa eta drainatze lanen plangintza konplexua. Gainera, meatzaritzak bere arauak ditu eta eremuak organizatzeko eta meatze-lurraldeak antolatzeko modu bereziak ditu.

Atera zituzten zilar eta urre kopuru handiek ekonomiaren norabidea markatu zuten, eta baita gerra eta konkista planena ere; meatzeen gainbeherak ere sekulako ondorioak ekarri zituen eta, dirudienez, garrantzitsua izan zen Inperioaren gainbeheran izan zuen eragina ere. Erromatarren meatzaritzari buruzko ikerketetan lortutako informazioetako beste bat zera da, jarduketa horrek ingurumenean izan zuen eragina; hori metal astunen erruz urek nozitutako kutsaduran ikusten ahal da, eta zura lortzeko basoak ikaragarri soildu zirelako. Hori guztia egungo Gipuzkoako lurraldeari aplika dakioke, dakigunaren arabera erromatarren meatze-eremu handietako bat izan baitzen, baita Inperioaren eskala geografikoaren barruan ere.

Irun Hiriko Udalarekin lankidetzan.

Ikastaroaren zuzendaria:

• Mercedes Urteaga Artigas. Oiasso Erromatar Museoa.