Oiasso Museoa - Izandako erakusketak

THEATRUM MUNDI

01/07/2022-08/01/2023

Oiasso eta Augusta Emerita, elkarren ondoan Dies Oiassonis jaialdi erromatarrean. "Merida. Theatrum Mundi", Extremadurako aztarnategi handiko irudi argitaratugabeak, plano historikoak eta beste dokumentu batzuk biltzen dituen erakusketa Irunera iritsi da. Ondarea berreskuratzeko adibide bikaina da, Oiassoko terma erromatarrak zaharberritzeak ekarriko duenaren ildotik.

Méridako antzoki erromatarrak 2.000 urte baino gehiago ditu, hiriaren enblema da, eta arkitekturaren harribitxi bat, erromatarren garaiko antzokiak nolakoak ziren erakusten duen arketipo bat. Bada, orain, monumentu dotore horren sekretu arkitektonikoak ezagutzeko aukera dugu, “Mérida. Theatrum mundi” erakusketari esker: irudi argitaragabeak, plano historikoak eta antzokian egiten joan diren zaharberritze proiektuei buruzko dokumentuak biltzen ditu, eta Jesús Martínez Vergel eta Rafael Mesa Hurtado arkitektoak buru zituen lantalde batek zazpi urtean egindako lanaren emaitza da.Monumentuaren egungo egoeran eta hura zaharberritzeko proiektuetan oinarrituz, lantaldeak analisi kritiko bat egin zuen, jakiteko nolakoa zen antzokia erromatarren garaian, artean iztuku gorrizko estaldurak, oihalezko toldoak eta agertokiko oihal eta zurajeak zituenean.Erakusketa azaltzen duten panelen arabera, Vitruviok, De Architectura obra osatzen duten hamar liburuetan, antzokiak arau geometrikoei jarraikiz diseinatzeko gomendioak eman zituen. Bada, Antonio Gómez arkitektoak antzokia berreraikitzeko proiektua egin zuen, eta José Ramón Mélidaren aginduei jarraikiz. Mélidak bazekien antzokiaren garrantzia nabarmentzeko beharrezkoa zela zutabeak zutik jartzea, baina Maximiliano Macíasen esku utzi zituen lanak, hark zuzendu baitzituen indusketa lanak eta piezak ondo ezagutzen baitzituen. Horrela, antzokiaren funtsezko forma lehengoratzeko balio izan zuen proiektuak.Beste zaharberritze proiektu bat agertokiaren aurrealdea zaharberritzeko proiektua izan zen, Félix Hernández arkitektoarena. Nolanahi ere, José Menéndez-Pidal hartzen da antzokiaren benetako zaharberritzailetzat, hark berreraiki baitzuen bigarren ordena. Azkenik, Mesak eta Martínezek bomitorioak zaharberritu zituzten.

Erakusketaren ordutegia:

10:00 - 20:00 asteartetik larunbatera

10:00 - 14:00 Igandeetan

Astelehenak itxita

SARRERA DOAN

Tehatrum Mundi

20220730-093133980891B7-BA3C-7180-4BD5-5DE8B9AC21C9.jpg

20220730-093041AAA55EB5-5386-F178-7EBE-72FE22DC9350.jpg

20220730-093059FC3AE0F5-FF4F-2FEC-52C4-DFC6BC670BAC.jpg

ERRALDOIEN BIZKARREN GAINEAN

2022/05/07 - 2022/09/28

"Erraldoien bizkarren gainean. Euskal arkeologiaren historia" erakusketak Bizkaiko, Arabako eta Nafarroako 100 pieza original baino gehiagoko bilduma erakusten du. Hirurehun urteko euskal arkeologia Oiasso Museoan

Erakusketa Oiasso Museoan ikusgai egongo da irailaren 25a arte eta bere helburuak dira gure lurraldeko ikerketa arkeologikoaren bilakaera jendeari hurbiltzea eta omenaldia egitea oraingo arkeologoen lanaren aurretikoak izan direnei eta gure gaur egungo ezagutza sustatu dutenei.

INAUGURAZIOA: Maiatzaren 6, 19:00etan

ORDUTEGIA:

10:00-20:00 asteartetik launbatera

10:00-14:00 igandetan

Astelehenetan itxita

Bisita gidatuak larunbatetan

Tarifa: 3,00 €

12:00tan gazteleraz

13:00tan euskaraz

Sobre espaldas de gigantes

Gordailua Oiasson 5

ARRANTZA (2022)

Oiasso Museoak eta Gordailuak, Gordailua Oiasson proiektuarekin, leiho bat ireki nahi dute gizartearengan gure kultura-ondarea sustatzeko eta ondare hau kontserbatzeak duen garrantziari buruzko kontzientzia pizteko.Hemen ikusgai dauden objektuak Gordailuan gordetzen dira, eta Oiasso Museoaren bitartez kultur ondare kolektibo hori partekatzea dugu helburu.

Historiaurretik, arrantza oso jarduera garrantzitsua izan da gizakion elikadurarako. Historiaurreko komunitateek amuak eta sareak erabiltzen zituzten ibaiertzetik gertu zebiltzan arrainak arrantzatzeko, edo barrerak eraikitzen zituzten, itsasbeheran itsasoratu gabe gelditzen ziren arrainak harrapatzeko. Gipuzkoako kostan, frogatuta dago jarduera horiek duela 10.000 urte ere egiten zirela.

Erromatarren garaian, arrantza funtsezko jarduera ekonomikoa zen. Arraina bere horretan kontsumitzen zen eta, horrez gain, arrain-saltsak prestatzen ziren. Ezagunena garum delakoa da. Oiasso Museoko erakusketa iraunkorrean burdina eta kobrezko amuak ditugu ikusgai, Oiassoko arrantzaleek beren kanabera, aparailu sinple eta tretza edo amu askoko aparailuetan erabiltzen zituztenak. Bestelako tresnak ere erabiltzen zituzten: sareak, horren erakusgarri diren harrizko pisuak, orratzak eta anezkak aurkitu baitira; eta sare-saskiak, aurkitutako berunezko lastrek erakusten duten moduan.

Bilduma honek agerian uzten du arrantza-teknikak oso gutxi aldatu direla funtsezko alderdietan. Materialak aldatu dira, baina sarritan formak oinarrian berberak dira gaur egun ere. Orain erabiltzen diren arrantza-metodoak, beraz, Historiaurrean garatutakoen oso antzekoak dira.

Piezak abuztuaren bukaera arte ikusgai egongo dira.

Sarrera doan.

Aingura litikoak

2022/02/04 - 2022/05/01

Oiasson ikusgai egongo dira harrizko bederatzi aingura, itsas ondarearen elementu ezezagunenetako bat. Erromatarren garaitik erabili izan dira objektu horiek ontziak ainguratzeko, Gipuzkoako kostako badia, kala eta estuarioetan.

IrunenIrungo Udalak, Oiasso Erromatar Museoaren bidez, Gordailua - Gipuzkoako Ondare Bildumen Zentroarekin elkarlanean eta Foru Aldundiaren laguntzarekin, erakusketa berri bat inauguratu zuen otsailak 4ean. Aingura litikoak Gipuzkoan da erakusketaren izena, eta aukera emango digu gure itsas ondareko elementu aski ezezagun bat ezagutzeko: harrizko aingurak, hain zuzen. Aingurak betidanik izan dira gure historiaren parte. Sinbolikoki, norabait «lotzen gaituen» elementu gisa, baina baita itsasontzi bat eta itsas hondoa elkarrekin lotzen dituen elementu fisiko gisa. Kontua da objektu gutxik izan dutela horrenbesteko balioa gizateriaren historian, historiaurretik hasi eta gaurdaino. Aingura litikoak erromatarren garaian ere erabiltzen ziren, barkuak Gipuzkoako kostako badia, kala eta estuarioetan ainguratzeko. Erromatarrek ederki ezagutzen zuten gure kostaldea, eta hara eta hona ibiltzen ziren. Urpeko arkeologoei esker, elementu horiek aurkitu ditugu eta orain, aurreneko aldiz, publikoak ezagutzeko aukera izango du.

Erakusketak tipologia deberdineko bederatzi aingura aukerzten ditu,, Manu Izaguirre urpeko arkeologoak jaso eta aztertu zituen ehundik gora piezen lagin txiki bat, alegia. 2019an zendu zen Izaguirre, eta haren omenez egin da erakusketa.

INAUGURAZIOA: Otsailaren 4an, 19:00etan, Maria Intxaustegi erakusketako komisario eta urpeko arkeologoak zuzendutako bisita gidatu batekin.